A décimo séptima edición do Certame Galego de bandas de música, organizado pola Federación Galega de Bandas de Música Populares, terá lugar durante os días 19 e 20 de outubro de 2024 no Pazo da Cultura de Pontevedra.
As bandas interpretarán un pasodobre de presentación e, xa en concurso, unha obra de libre de elección e outra de autoría galega proposta pola organización. As obras obrigadas desta edición son as seguintes:
-Sección primeira: Imaxes Olívicas, de Santiago Barreira Davila.
-Sección segunda: Unha rapsodia galega, de Sergio Rodríguez Pena.
-Sección terceira: Lembranzas, de Francisco Pere Sanz Alcover.
-Sección xuvenil: Jakobsland, a terra de Santiago, de Álvaro Cámara López.
-Sección infantil: A moura galega, de Frank J. Cogollos Martínez.
O prazo de inscrición estenderase entre o 3 e 19 de maio de 2024.
Bases
Inscrición
