A Banda Sinfónica Galega (en adiante, BSG) e a súa sección xuvenil (Banda Sinfónica Xuvenil Galega, BSXG) representan a Federación Galega de Bandas de Música Populares (en adiante, FGBMP) e estarán compostan por músicos procedentes das bandas federadas. As actuacións que leven a cabo non entrarán en conflito cos intereses das diferentes bandas de música federadas, limitándose ás súas actuacións á interpretación de concertos, participación en festivais ou actos institucionais e solemnes, polo que non atenderá ruadas, festas, verbenas, concursos e outros actos festivos susceptibles de ser realizados polas demais bandas federadas a cambio dunha remuneración previamente establecida.
